WILLEMSTAD.- Ministerio públiko ta reakshoná riba loke EXTRA a publiká di sra. Frida Arendt i ta bisa ku nan no por duna niun komentario riba e kaso, solamente nan ta keda pendiente di desishon di korte pa tende si nan mester habri e investigashon kontra Nasser El Hakim òf laga, asina fiskal mayó, mr. Gilbert Joubert ta informá.

WILLEMSTAD.- Ta resultá ku èrpòrt internashonal di Hato no por hasi nada kontra di Dutch Antilles Express (DAE) su pèrsistensia di ofresé pasashi bou dje preis mínimo, ku ta kontra di palabrashon den e mundu di aviashon. E úniko poder ku por hasi esaki ta Outoridat di Aviashon Sivil (OAS) di Kòrsou, esta ku otro palabra gobièrnu i pa ta mas spesífiko, minister Charles Cooper (tráfiko, transporte i planifikashon urbano).